代溝

一個人吃飯...
吃到一半
一對後生男女入坐
男的像哨牙鯉魚,短髮過長待修,
穿了件手袖過短but膊頭位過大的老西..
女的樣子普通-OK,不過就配著一副''上我啦..上我啦..''的表情
穿一件豹紋領的cheap cheap短褸but內裡是恤衫半折裙...

豹紋: 好凍呀真係...shu...shu...
鯉魚: 除衫啦
豹紋: 咩wor...
鯉魚: 嗱...你除哂Ｄ衫..之後再著翻,你咪即刻覺得好暖lol...(得戚樣)
豹紋: e......(笑...) (就好像對面坐著一個世紀風趣大猛男一樣....）

幾時開始,踏入冬天的浪漫情節會落得如斯下場......

this is the most wonderful show in my life

當時聽到碓實有點意外
心裡暗暗替你高興
那有一個artist敢亂用一生來說
為的是令工作伙伴開心?

雖然這可能是一句客套說話
但我更相信有一定程度教養的她
應該是真心喜歡的
工作雖辛苦 但滿足感是有的
況且酬勞也不簿

從這句說話..
我發現..
原來我所缺乏的
還有工作所帶來的滿足感

當別人認為我有一份好工的時候
我真的無言以對
因為事實上..我比很多人早放工
雖然我每天工作的時間不足六小時
但我相信我在這裡三年多..得不到一滴滿足感
我很討厭自己黑口黑面的面對sales們
其實她們的作風就是這樣
為什麼要人睇我面色呢?
我惡言以對幹麼??

不知不覺間
當我認為我的情緒是不會受控於工作時
她們很可能就是我的致命傷

甘願做個沒靈魂的人嗎?
十萬個願意!
可以單眼看世界嗎?
幾日前才有人叫我''mean pan''

過市唔好我就好

曾有人批我的命
說到大圍環境唔好我就會好
現在是前奏,即是我開始轉好?....

身邊朋友有人話輸左架車
我心諗...咪唔好換車囉..奢侈品而已..
影響不到生活最緊要
又有人話800萬輸掉了300萬
很肉痛...是用來留俾個仔的錢.
嘩...好大筆多餘錢..
之後,照樣的飲飲食食吃喝玩樂

香港隱形富戶多的是
鯉魚門酒家門口幫手捉魚的女人
外表比余慕蓮還要大罛化的旦家人
家住飛鵝山！
又中環街市賣菜的
做銀行的朋友說她有千萬身家

香港人...賺時唔見你地出聲
一蝕就鬼哂咁噪
如果政府真係幫你地包底
我第一個出來遊行輟食抗義大叫打去電台講哂粗口...

過市唔好我就好
我明...
因為你地愈窮就愈接近我
所以無形地變成我不是特別窮
會唔會係咁呢？

蠱惑仔

58秒後最精彩
都唔知佢諗咩...可能裡面裝左個大人

睡眠曲

年幼時習慣開著收音機睡
後來聽專家說這樣的睡眠質素很差...
因為潛意識腦袋還在開動
唯有改為播放CD
估計自己在CD播完前一定能夠入睡

每當發現有適合睡前聽的歌時
我會把它加入一些個人的精選再合成另一''主打'' CD
當晚上床睡覺就變成一個很好的節目
歌曲隨著我出的rundown播放
絕無廁所位

Rundown方面,其實是隨心情做的
隨了主打憶蓮外...還有..
輕快的法文歌(唔知唱乜..但求輕輕鬆鬆)....
在CAFE OR 行it時播的純音樂CD...(在泰國的NIGHT MARKET買的)
感性的老套歌....(WAHAHAA)....
及令自己更加胡思亂想的情歌..

近來除王若琳外,最喜愛聽的睡前曲有......





不過千嬅的聲線不夠溫柔舒服
純粹鐘意歌詞而已

不帶走一片雲彩

我對死亡的想法有個灰色地帶

有人努力生存,希望能活到最後一口氣,

偏偏會遇上不治之症

不得不配服他們

看似生無可戀,卻又努力不懈,食得幾多得幾多



有人龍精虎猛,前途好像一片光明

卻又自尋短劍, 一句不帶走一片雲彩就走了

很有型



以上兩種人最近都間接地在我的生活中出現

我當然配服努力生存的那位朋友的朋友

勇敢地面對自己的將來不是容易做到的



可惜我更加明白的,是有型地走了那位

有勇氣地''不帶走一片雲彩''其實也不是易事

但我相信我有勇氣去做時,一定還有千斤煩腦在身

我深底裡其實是比較羨慕他

雖然死不能解決問題

但總比生無可戀,可有可無好..

至少他現在可以脫離悶局

開爐

住左一個月唔夠已經煮左好幾餐

上次間邪屋連煮麵都嫌煩

黎近仲有兩個house warming...

um..都係打邊爐算...

呢個係我人生第一次煮嘅意粉,原來咁容易

可以話係鬼佬公仔麵

唔係話讚自己...我本身幾鐘意自己呢個冬菇肉餅

呢餐係第一餐,可能唔熟個廚房,所以煮得好辛苦

根本唔想食

第二次煮意粉,都ok...隻蝦夠新鮮就好難出事.

好想知多Ｄ煮意粉方法，好食又易煮的

lululu睇到的話麻煩提供下.

no.8

早上730起來,看到廳蠻光的

以為風打不成

再開電視看看,原來已經八號風球了...

同樣的八號波

昨晚我睡得很好

屋內不單沒有漏水

而且室內在天陰陰下還能保持一定的光亮

感覺很好

雖不是什麼超級豪宅或是無敵靚境

我已經很安樂了

同樣的煩腦在這裡都好像會看輕一點

可能是心理作用吧

第一次感受到住屋及風水的重要

希望真的可以''愈住愈好''及''日日吃喝玩樂''

忍忍忍忍忍忍忍忍忍

再一次紅雨...

今次𥦬邊的水像噴泉一樣噴到我在keyboard 上的手

及正在我手臂上枕著睡的次郎...

零晨三四點...穿梭這個四百多呎的地方吸水....

點解?!

算吧！

總比住在木屋區的人好!!!

上星期難得的藍天白雲

禁不住用手機把她拍下

永遠懷念藍天白雲...

這張是在灣仔下午茶後拍的

東區走廊上..

這張是按腳時拍的..真係死而無憾...

屋漏兼逢夜雨

零晨五點多突然醒了
好緊張八號風球下了沒有
哦...原來還多了個黃色爆雨..
















很無聊,睡不著
望出窗外看看
駭然發現窗邊浸水
心想:''小事一則...都唔洗煩個業主啦....''










清理過後
打算嘗試睡多會
甚料...發現床上有水跡!!正想找次郎鬧
又發現那''篤''尿無臭味
跟著後腦突然有一滴水！
OH....
好離譜!!咩地方!!!
以前住舊樓反而無漏水情況
是樓上問題還是打風問題??
定我有問題？！

1/2 世

夜更看更阿叔一直都幾惡,無論樣貌及語氣

為了日後作客朋友好受一點

我就選擇厚面皮對著他

無論他面有多黑都跟他打個招呼

起初他都只會點頭答聲''um....um....''

直至我給了他一個價值六大元的蓮慕後

我開始看到他的笑容

時不時又問他為什麼不開冷氣睡,唔焗咩？

見關係都ok...

終於鼓起勇氣,問他上手住客是什麼人..他想了大約五秒...

(是老人家嗎？怪不得屋內那麼多陳年舊跡...

一把年紀為什麼要搬呢??莫非.....怪不得......)

叔:女人黎架

我:哦....(好彩!)

叔:住左好多年嗱...

我:好老架?間屋好污糟喎...後生唔會住成咁

叔:係呀...好老下架...三十幾歲啦

我:er.....三十幾都唔係好老啫....(好無話佢知我都就四十呢.....-_-''  死....!個lift仲未到架！！)

叔:一個人得六十零歲都過左一半啦...仲唔老呀？？

三十幾過左一半啦....

我:哈哈....有lift 啦...byebye 

(莫非佢以為我廿幾歲??  hahaaa)    

砍草除根?

可以嗎？

情況有如此嚴重嗎？

要去看醫生嗎？

醫生幫到我嗎？

往後真的會有好日子過？

落得如斯下場...

我已不能控制了

多久沒有人用這麼多時間去探討我的問題

我亦放心地吐出來

一點都感覺不到對方其實是不願意及沒留心聽

感覺很怪 有點不慣

好像欠他們很多

很不好意思

我的世界好像有點改變

有待慢慢適應...

不能說的咪咪

被一位相識十一年的朋友發現了
我還可以說什麼?
唯有實話實說
多年來想大聲叫出來的咪咪
就好像突然多了一個可靠的棲身之所
得到了一刻的溫暖

其實我當時在公司自己的座位上
是有不停抹眼淚的
因為實在太多東西想吐出來

她用天真及傻來形容我
我覺得好核突
我比較認為件事屬於痴線
無論如何
咪咪始終係咪咪
就由得她永遠在知道的人心裡吧

麻煩Ruka幫我大叫一聲~~ )))))))))

近日追看中的日劇,昨晚日本播到第十集,聽說總共有十一集.
Opening 已把人物關係帶出
故事及人物已有太多卜友讚過
我認為就連所有props 及服裝都很值得一看(甚至我同事已經一看再看)...
eg:share house 內的擺設及小武的fashion...顏色配襯非常色...
那腰間的小布 ....奇在你不會覺得他不論不類..
宇多田光的主題曲也應記一功!
如虎添翼!
有當年她為''魔女之條件''作的''First Love''效果

那裡找到正能量

如果正能量可以儲的話

可從那裡開始找來儲呢？

我不是講悔氣說話

這幾個星期我不斷嘗試一個方法

不停提醒自己''我要XXX, 我要XXX

而不是我不要XXX,我不要XXX..

聽說這個方法會比較有效

其實我很想自己幫到自己

當我面對其他人時

我其實是沒事人一樣

但這樣下去不是更加病態嗎？

我非常明白一個帶給人厭煩的人是非常討厭的

我已盡量控制自己的了

看到新聞紙上的家散人亡

我極之明白自己有多幸運

但我愈想按著自己的負能量

就愈迫得自己不知去向

就連自己也討厭自己

為什麼我要生存在世？

我有很想見的家人嗎？

家人很想見到我嗎？

工作很有滿足感嗎？

愛人更加不用多說...

幸好我有關心我的朋友

...

但朋友是一生一世的嗎？

我知我性格古怪

到某年某日朋友必定離我而去

無論如何

多謝昨天非請自來的兩肥一瘦關心

及''講極唔明''的聰明人心意

這一刻你們就是我的正能量了

THANKS!

音訊全無

【地震雲】

有人5月9日在網上就做出預測，聲稱看到大片地震雲,有可能發生6級以上強震

當我遇到什麼不如意事時

我都想用''音訊全無''來逃避一切

但原來我的方法很''低''

沒有成功過

根本就及不上人家的一半

工作一天

大約要聽6-7次新聞報導

直至現在 今天已聽到五次'' 音訊全無''這四個字

每次聽到都令我在工作中定一定神來

心裡有點寒....

原來真正的''音訊全無''是這樣的無情及平靜

平靜到你不能恕他/她及咒駡他/她

話走就走 話無就無

只有等奇跡出現....

送客

地方淺窄

如非必要 請勿來坐

一百萬人的故事

我是一個非常膚淺的人

獨個兒看了頭集的一百萬人的故事

感覺很慚愧 

跟著兩集都分別與兩個朋友看

第一位朋友認為整個表達手法太造作

看到尾聲時基乎要致電檢署

我就在後面細聲說''唔係呀....D色幾靚呀....''  -_-''

另一個朋友就一邊看一邊叫''好淒涼''

因為那個伯伯把賣剩的已變黑的蕉緩緩放進肚裡充飢

當然我也看到心有點戚戚然

最後兩集都是一個人看的

最令我印像深刻

反而是劉嘉玲小姐的訪問態度

其實我頗喜歡她的

覺得她很有女人味

但當我聽到她漠不關心的訪問方式

不其然覺得有點怪怪

到看到她瞪大那雙本身已經不小的眼晴

去發問那個被旁白形容為很自卑的小朋友

真的立時想過去叫她收聲！

心裡很不舒服及想叫''CUT!"

問題大致如下：

''你一個月得10蚊零用錢？！''

''十蚊你點用呢？''

''一個月用3蚊?!''(三蚊仲要係好用力地講)

'3蚊可以買包糖?!''(diu ！！！無人叫你去great買!)

''一個月儲7蚊留翻第日讀書？！''(個書字都係好用力）

雖然小朋友是背著鏡頭

但仍看到他的耳朵慢慢通紅起來

就連這個活了四十多年且身經百戰的姐姐都令他難受

怪不得他說不想同學知道他的境況

以免被同學取笑

其他藝人都沒有這個問題

以陳奕迅及陳慧琳為例

他們的成長期應該都是要乜有乜那種

但他們都能表現出關心

而沒有那種令當時人更加難受的反應

記得中學時家政堂的老師為了影射某些同學

曾經說過以下說話:

''同學,你地當中有Ｄ小姐扮唔識揸鑊鏟...

咁好叻咩？代表自己響屋企唔洗做係千金小姐？

其實未煮過都唔會咁揸架,咁都唔識係白痴咋''

當時我覺得這個老師很鬼馬

昨天的劉嘉玲就令我想起這句說話

可能....都是掩飾的一種吧.

都是一個悲劇.

家不成家

其實全屋只有這間電腦房較為整齊

廳的位置實在騎呢,唯有請人訂造一個呈三角的電視櫃

不過還未完工

已在這裡住了六天

地方實在小

前幾天我只希望我的家在步行兩秒內

不會碰上任何物件

到今天尚算免強做到

因為新買的儲袋櫃及CD架要到星期天才到

所以我只有對著兩大袋紅白藍及幾個紙箱看電視

當視覺上看上去愈來愈像一個家時

其實對我來說仍非常陌生

可能以前的唐樓牆身比較厚

我實在不慣坐在廳中會聽到車聲

我唯有把窗關上

另外，最重要可能因為次郎一家還未到的關係

一個人在家時真的很''一個人''

多年來習慣了一個充滿貓毛的空間

現在空氣清新反而有點不慣

期待次郎的''眼啤啤'',阿牛的''騎呢''

,funny的''慌失失''及小津的''鬼鼠''

真的要趕快在這個週末完成最後的整理

正在煩惱應該什麼時候接牠們回來

因為我下星期會有四天不在港

(多得Ida醒目 book到機票,我這個OL又可以飛了!!!)

接牠們過來我怕牠們不慣

留牠們在那邊我又怕代照顧牠們的朋友白行四層樓梯

um.....

浣熊你好!

浣熊你好,

我明天搬屋,你那麼心急要來探我嗎？

好客氣....

再加上門匙還沒到手....

嬲嬲地去買了個足三両

吃過後睡過夠

明天的事明天想

大屋搬細屋  次郎無得郁

這間被喻為''不是人住的屋''

間隔超難放

就連電視與梳化成直線都好難做到

但其實我是ok的

只不過朋友太富貴

根本就是兩個世界的人...

hello DOMO....

三件網上訂的domo product已到齊,

其中以這個紙巾盒最為搶鏡,

注意...隻手仔得意到!

再一次灰色

今天在上班途中

遠望對面的九龍半島

可能因為天氣很差及沉悶的工作

思想又出現灰色...

愈想就愈灰...慢慢由灰走到黑....

近來學會急喚自己停止

原因很簡單  年紀大了

身心累得已不能承受情緒所帶來的痛苦

若果真的可以冰人三千年

那我真的希望可以試試

不過冰我五十年夠了

到時活多幾年...唔死都無用

Good!

清明時節雨芬芬

時間：三月的最後一天

地點：石澳

人物：化妝梳頭x1(M), salesx2(SK & GN),攝影師x1(SC),  攝影助理x1(VL),MC人 x 2,司機x1,modelx1(eileen),art director x 1(PT),

目的:影7張MC 的 Fashion 相

早上八點四十五分被電話聲弄醒...

ST:落雨wor...點呀？

PT:um.....應該影唔到,改星期三....等我打去問問...

PT:喂,SK ar....點呀??

SK:咩點呀？

PT:落雨wor

SK:你果邊好大咩？？呢幾日都落雨wor....清明時節雨芬芬係咁架啦.....model都就到

PT:地下濕哂架wor...點關沙漠事？？？你覺得得就無問題,我地會入去先....

SK:係啦,你入到去睇下有無Ｄ地方有瓦遮頭又影到...

PT:下?!我都係入到去周圍行下,難Ｄ啦...

SK:咁好啦,我出黎打俾你....

結果...我們十點多入到石澳,試影幾張後就等她們過來...

期間雨勢有增無減且天氣愈來愈冷

大家都狠狽非常

一邊避人車一邊拿雨傘

MC的客其實OK的,都會顧及我們其實已全身濕了

很多客是不顧我們死活的

只是不明白她們為什麼會不自覺地拿了我們的傘用

幸好我穿了一件風褸

不過風褸被雨水弄濕後貼著皮膚時仍然很寒

當然最冷的一定是模特兒

幸好模特兒擺pose及笑容都很了得

縮短了我們的地獄時間

大約到四點半左右便離開石澳

總算逃過大難

尚算順利...好客好model已是不幸中之大幸...

好沮喪

業主好有心思,可以拍MV

出生於平民區的王子似乎很滿意....

長此下去,我應該會放棄搬屋的念頭

其實我要求不高

最緊要乾乾淨淨,光光猛猛..,

其次是安全

屋細我都有信心攪好

只不過我這個身型不配太細的面積,好像很可憐...

經過幾日來與細榮揾樓

我發現原來我的要求要去到$18000的租金才合意

已經無心機睇樓了....haha

我最喜愛的攝影師

T:攝影師   P:Panda

P:喂喂,下星期swarovski你影wor....

T:點解次次都係我影架?.....

P:(ai.....又斤斤計較....-_-''咁都要做架...無法啦.....巨蟹座男人....) 你已經好過steven好多,

佢星期一影果單仲慘.....呢個ref 呀,你睇點影...

T:嘩!!點影呀？我點知呀？？？呢鑊''乃''嘢啦....我會將呢個job列入black list lol

(頂佢個肺...都未影...就係唔知至問你囉....)

P:下？！咁....都要影架...你講呢Ｄ做咩？我之前問steven佢又無講好難影wor..

T:唔係呀....ai....呢鑊死硬啦

P:咁都要解決架,唔通而家打俾個客話我地影唔到咩？？？？

T:你話啦....點影喇.....ai....今次....

P:好！....得......我自己諗下....!

其實大家都係打工,點解我要俾你為難呢？你估我有＄收架？

影唔到或者影得唔好...Ｄ說話都唔會傳去你到啦....

我仲要受你氣...

為乜呢？！

我最喜愛的售貨員

S=Sxxxxxx(Associate Sales Director)   P=Panda 

S:Pan , Marlbolo Classics又黎喇,想揾Ｄ ref .聽日有無呀？？因為個客飛呀(diu!又飛！個個客都飛),D ref 要send去外國俾老細睇...

P:um...幾多版架？想揾邊類location??

S:2個spread ,好似上年咁....不過得一個model....無呀...呢個job好少＄(邊個job有＄架？！你好似揸volvo四驅車翻工架呵....你唔食架車都要入油啦呵........)...不過個客有八套衫想出哂....(咁你幫手著幾套啦！）

P:哦....盡量啦...我估最多五至六套....上次有兩個model就話啫...佢想去邊影呀？

S:  個客想揾個地方係''desert return to city'' wor

P: 下？！咩話？？

S:即係由沙漠返城市途經果Ｄ路...

P:-_-'' er.....咁得意?!要Ｄ時間wor....呢Ｄ香港難揾Ｄ...

S:係啦,你睇聽日有無（咪話左難揾囉!)

P:......(忍....) 哦.....盡量啦.....等我周圍問下人先

一日後

P: ...send 左個ref俾你,響粉嶺，你睇睇,有個舊油站,好岩佢....不過要$5000租

S: 下？！有無另一個地方揀呀？無＄賺架wor...你又無得俾佢揀...

P:(火黎!.....忍...)um....平時果Ｄ都可以俾到你囉,不過呢次呢...你都知佢要Ｄ野幾難揾....

...你又趕....有我都想俾你...同埋你賺唔賺同賺幾多....我....(好嬲...)真係唔會理架....

S:係......你梗係唔洗理啦....

P:你要影八張相wor,無location俾你一次過影到八張...唔通去完西環再入西貢,之後再入粉嶺咩？for 我我情願俾少少＄去一個安全地方....同埋我以為你地會一人一半....每人二千五都ok wor...

S:ai....咁都無法

P:係啦,你打去check 左日子無問題send俾客啦

三十分鐘後...

S:Pan...check左啦,成個月俾電影公司包左呀....你睇有無其他

P:下?!哦...好啦......(ai....輸左tim...)

第二朝一早,我打去check 多次....電影市道咁好咩？！

P: T(sales assistant )ar....我呢邊有人咁岩想影果到.....check到有期wor....

T:下！？係咩？？

P:咁你問下個客ok我就book ga la

五分鐘後...

T:ok ar...book la

半個鐘後....S及S的bossG返到公司

S:Pan ar...個客話個景好岩好好呀,不過佢唔想俾＄...(又係無＄又要去旅行果Ｄ客..）點呀而家,你又無second choice.....(下,咪解釋過lol!)

G大聲地:咁做嘢點得架,唔識計數架？！！！！

P:(其實我真係唔洗識計數架.....!!)

十五分鐘後....

T:點呀？？有新location 未

P:你都見我坐再響個位到啦...location係唔會變到出黎架.....(嬲死左...)

一日後....  

S:個客有個location係馬鞍山教堂,知唔知響邊

P:唔知....一係我叫個攝影師call車入去影幾張相,你盡快覆我有無需要,

今日都星期四,你下星期一就影....

5分鐘後...

S:好啦,你叫佢入去啦....不過call車幾＄架？

P:來回都$500架

S:可唔可以叫佢坐馬鐵再轉車呀？

(你老尾呀.....不如行去啦！！！）

世界可唔可以公平Ｄ??

今天晚上又陪朋友睇樓.......

ai.....好灰....

Amigo Mansion 雅谷大廈  -_-''

月租$24000

呢Ｄ咪人住囉....

一個人可以做什麼

雖然我身型巨大

但其實我不是吃很多的...

不幸上星期患上為食症

兩晚就可以吃完一盒家庭裝的Häagen-Dazs

整晚還不停地找其他東西吃直至睡覺

不過自星期六開始

胃口不單回復正常  我覺得比正常還要壞

正餐比平日吃得少

有時和朋友吃飯為免太早停筷影響

食飯氣氛才免強吃下...

回家到就因為連吃也不想吃

又不想自己想東想西

唯有又做小手工.....

yeah!!!我的iphone終於可以掛電話繩了！

保護次郎行動中

北角電氣道姦劫案

北角電氣道再有鳳姐被殺

與其擔驚受怕

倒不如轉換一下環境

晚晚自己嚇自己也不是辦法

這次應該是我獨居以來第四次找地方

由昨天至今天已看過十五個單位

價錢由$7500-$9500

其中以天后區最貴,動輒要$8000-$9000且單位不多,

面積只有三至四百多呎

非常chisin!!!

當中有些質素都可以,不過價錢貴...

亦有大部份想起作嘔及令人沮喪到極點的！！

下次再看到一定要拍抵....驚惕自己要俾心機工作

提醒自己是多挑惕的,不要在工作上亂耍脾氣...

過份有性格的話就要住*皇都大廈了

*(我一踏入門口已經開始閉氣,樓下有芬蘭浴

and邪教鬼仔)....

回到家...倍覺現居舒適非常....

除了要行四層樓梯外...無論價錢,質素及大小....

....甚至樓下各食店及街坊都非常合意

但無法,為了自己及次郎的安全

這筆錢一定要洗....

況且我已經去到有點神經質地驚...

聽到小小怪聲就怕有人爬入屋

如果十一點左右未回家就開始擔心....

睇樓結果....暫時看中三間

第一間是有無敵大海景不過只有三百多呎的北角嘉威大廈,新裝  ＄8500

第二間是三房兩廳,面積有六百多呎的北角五洲大廈 ＄9500

最後一間面積及價錢都屬於ok,新裝,不過地磚是最可愛的粉紅色

四百多呎有兩房,於灣仔洛克道的星港大廈 ＄7500

暫時應該以灣仔的價錢最適合,待裝修完畢再決定吧...

這就是第二間的無敵大海景,次郎可以閑時捉車及捉船.

請問業主:''為什麼要block起海景呢？？？

P.S.多謝睇樓團的保貴意見,時間及腳骨力!!

online shopping

對上一次上網拍賣購物應該是十多年前了
因為當時很流行情書的SX70
我就花了HK$1400bid到
還記得當時點點紅的交收站是在太陽廣場

近排因為一個同事在ebay購物中好像受騙而不停

煩我 (煩到我想俾翻＄佢！！）
而令我不知不覺地再次經ebay投中三件domo 的產品！哈哈

就因為這樣我再試找一些香港市面買不到,很難找,
又或因為是水貨的關係而標價chi jor sin的東西
無意中...我發現這個專賣日本水貨的地方
我嘗試找我個多月前在尖沙咀看到不捨得買
而又記掛到現在的porter blk dot背包
結果是$2350!比在尖沙咀平了$450!!

即管send email去試試,
就這樣訂了一個$1650的porter 腰包.
(不要問我為什麼不是訂blk dot 背包-_-'')

甚料,第二天一早便有人覆我email說有貨會通知我
到了下午,那位小姐打來約我取貨,還可以在天后交收呢！！

我有想過是A貨嗎？不過看過真貨後,又覺得A貨又未必會做我這個款....
加上原個head porter紙袋包裝,信心又返來了

就這樣...我又多個花錢的地方

但總比在街上逛足一天又什麼都買不到好吧？！

也試過很想找一個款而找了幾個月也找不到的經驗

年紀大了...旺角行一天.....第二天要請病假..

師奶生活

頭髮長得很快 

雖然這個菇頭獲頗多好評  大多說''好女仔''

但仍因為怕熱  很想剪

不過........伍百多元的頭

我想keep多一頭星期會''扺''一點

因為距上次剪的時間還不到一個月

家人看到我這個髮型時好像我會因而嫁得出一樣

眼中有點發亮說''琳琳...就keep這個髮型吧...

幾十年來第一次見你像個女的''

好像非常恩惠...

剛趕完書   所有有關工作的事都不想理

未到復活假已開始自己放自己的假

所有sales及freelance 的電話都不接

看見別人blog上的小手工就無聊地跟著做

同事vicky笑我愈來愈''女人''了

其實''很女人''也不是壞事..

這刻的願望是做師奶

整天無聊地打掃屋企   做自己愛做的事

有小孩就更好   一回家聽到他的妙語連珠

一定很好笑  所有不快事都一掃而空.....

我永遠都不會是雞

亦已經不再是三十以下的中女

不過我仍然有權驚

我會流血  我也怕痛

就因為這個理由  我又有搬屋的念頭了

never ending journey..

別想太多

never ending journey.....只不過我這刻實在太想去旅行

hompy那邊太負面了

過來這邊重新來過...

麻煩大家別散我的地址給任何人,因為搬一次屋實在累..